Psa 86 | ZomZIV | STEP | David thungetna khat. TOPA aw, zawngin ka tasam hi, hong za inla hong dawng in.

Psalms 86

David thungetna khat.

1 TOPA aw, zawngin ka tasam hi,
hong za inla hong dawng in. ^a
2 Nang tungah hong ki-ap ka hi manin ka nuntakna hong cing in.
Nang ka Pasian na hi hi;
nangmah hong muang na nasempa hong honkhia in. ^b
3 Topa aw, sun nilohin nang hong sam
ka hi manin kei hong lainat in.
4 Topa aw, ka hinna nang tungah hong laamto ka hi manin ^c
na nasempa lungnopna hong puak in.
5 Topa aw, nang hoihin mawhna na maisak a,
nang hong samte khempeuh tungah itna kicing na nei hi. ^d
6 TOPA aw, kong thungetna hong za in;
nong lainat dinga kong kikona na ngai in.
7 Kei hong dawng ding na hi manin
ka lungkham ni-in nang kong sam ding hi. ^e
8 Topa aw, pasiante lakah nang tawh a kibang khat beek om lo a;
na hihsate tehpih theih a om kei hi.
9 Topa aw, nangma bawlsa minamte khempeuh
hong pai-in na mai-ah hong bia ding uh hi; ^f
na min a thangsak ding uh hi. ^g
10 Ahang in nang lianin a piandang nate na bawl a; ^h
nang bek Pasian na hi hi. ⁱ
11 TOPA aw, na lampi hong hilh in;
na thutak ah ka kalsuan ding hi; ^j
na min ka kihtak theih nadingin
aka lo lungsim hong guan in.
12 Topa keima Pasian aw, ka lungsim neihzahin nang kong phat dinga;
na min ka thangsak tawntung ding hi. ^k
13 Ahang in kei tungah na itna lian mahmah a;
han thukte ^{▼▼ 13 Hebrew ah Sheol} panin ka hinna nong hukhia khin hi.
14 Pasian aw, nangmah hong thusim lo - ^m
mi kiphasakte in kei hong sim uh hi;
mi gamhtat hon khat in ka nuntakna zong uh hi.
15 Ahi hangin Topa aw, nang a khuatuah thei le a hehpih siam, ⁿ
heh baih loin, itna le muanhuaina dim Pasian na hi hi.
16 Kei lam hong nga-in hong lainat inla; ^o
na nasempa nangma thahatna hong guan-in ^p
na nasemnu ^{▼▼ 16 Ahikeh a muanhuai na tapa honkhia in} tapa honkhia in. ^r
17 TOPA aw, nang in kei hong huhin hong hehnem khin na hi manin
ka galte in mu a, a maizum nadingun
na hoihna lim khat kei hong pia in. ^s